რესტორანი მაისის ეზო ქუთაისის გულში ოპერირებას 2024 წლის 1 აგვისტოდან იწყებს და ძალიან მოკლე დროში ქალაქის ერთ-ერთ გამორჩეულ სივრცედ ყალიბდება. მაისის ეზო ეტაპობრივად ვითარდება და მიზნად ისახავს სტუმრებს მშვიდ, დახვეწილ და კომფორტულ გარემოში ხარისხიანი გამოცდილება შესთავაზოს.
შექმნის იდეა ხუთი წლის წინ – თბილისში ცხოვრების პერიოდში დაიბადა. კონცეფცია ეფუძნებოდა განსხვავებულ ხედვასა და საჭიროებას – ქუთაისს სჭირდებოდა ადგილი, სადაც ოჯახები, მეგობრები, წყვილები თუ ის ადამიანები, ვინც საქმიან შეხვედრებს გეგმავენ თავს თანაბრად კომფორტულად გრძნობდნენ, ზედმეტი ხმაურის გარეშე, მსუბუქი ქალაქური ატმოსფეროთი და ცოცხალი, მშვიდი მუსიკით.
მაისის ეზოს სამი დამფუძნებელი ჰყავს – ბავშვობის მეგობრები, რომლებიც საერთო ხედვამ გააერთიანა. ერთ მათგანს მრავალწლიანი გამოცდილება აქვს კულინარიაში, მეორე ცნობილი მომღერალი და სიმღერის აკადემიის თანადამფუძნებელია, ხოლო მესამე ორგანიზაციულ და საოპერაციო პროცესებს უძღვება. სწორედ ნდობამ, მეგობრობამ და ქალაქის მიმართ სიყვარულმა აქცია იდეა რეალობად.
როგორც ერთ-ერთი დამფუძნებელი – გიორგი ბაბუნაშვილი გვიყვება ბიზნესისთვის დასაწყისშივე ერთ-ერთი მთავარი გამოწვევა პროფესიონალი კადრების მოძიება და შენარჩუნება იყო. ყოფილა პერიოდიც, როდესაც დამფუძნებლებს თავად მოუწიათ სამუშაო პროცესებში ჩართვა. ამ გამოცდილებამ მათ საშუალება მისცა, კიდევ უფრო მეტი სიზუსტით განესაზღვრათ თითოეული დეტალი და ხარისხიან ოპერირებაში მაქსიმალური ძალისხმევა ჩაედოთ.
სივრცე გამოირჩევა როგორც შიდა, ისე გარე ზონებით – დიდი ეზოთი და ტერასებით, რაც ქუთაისში მსგავსი კონცეფციის ობიექტებისთვის იშვიათია. ასევე, მნიშვნელოვანია, რომ მაისის ეზოს კარი დილის 09:00-დან ღიაა და მასპინძლობას გემრიელი საუზმით იწყებს.
განსაკუთრებული ყურადღება ეთმობა ნედლეულის ხარისხს, მომსახურების სტილსა და სტუმართან ურთიერთობას, რომელიც ფაქტობრივად ჭიშკრიდან იწყება და სასიამოვო გამოცდილებად ყალიბდება.
განსაკუთრებით სასიამოვნოა, რომ მოკლე დროში მაისის ეზომ მოიპოვა ერთგული სტუმრები როგორც ქუთაისიდან და საქართველოს სხვადასხვა ქალაქებიდან, ისე უცხოეთიდან. რეკომენდაციებით მოსული სტუმრები და დადებითი შეფასებები გუნდისთვის მთავარი მოტივაციაა.
მაისის ეზოს ისტორია მხოლოდ ბიზნესის წარმატება არ არის – ეს არის მეგობრობის, ერთობისა და იდეისადმი ერთგულების შედეგი. სივრცე აგრძელებს განვითარებას და მიზნად ისახავს, მომსახურების ხარისხი და გულწრფელი მასპინძლობის სტანდარტი ქალაქში კიდევ უფრო გაამყაროს.
Facebook: https://www.facebook.com/maisisezo
Instagram: https://www.instagram.com/maisisezo_restaurant/
სტატიის ავტორი: ანა ჭინჭარაული
