29 მარტს, მესტიაში Hostship.ge-ს მიერ ორგანიზებულ პრაქტიკულ ლექციას – „როგორ გავზარდოთ გაყიდვები“ სასტუმრო „ლაჰილმა“ უმასპინძლა. შეხვედრის სპიკერი, ანა ჭინჭარაული, ადგილობრივი ბიზნესის წარმომადგენლებთან ერთად ინტერაქციულ რეჟიმში მსჯელობდა იმ გამოწვევებსა და შესაძლებლობებზე, რომლებიც დღეს სტუმარ-მასპინძლობის სექტორსა და კონკრეტულად, სვანეთის რეგიონს უდგას.
დისკუსია გამოცდილების გაცვლისა და პრობლემების გადაჭრის რეალური გზების ძიების პლატფორმად იქცა.
ხიდი რეგიონსა და ინდუსტრიულ ბაზარს შორის
Hostship.ge-ს ერთ-ერთი მთავარი მისიაა, რეგიონული ბიზნესისთვის ხელმისაწვდომი გახადოს ის ინდუსტრიული პროდუქცია და სერვისები, რომლებიც მათ განვითარებისთვის სჭირდებათ. მიმწოდებელი კომპანიებისთვის ყველა რეგიონში ცნობადობის გაზრდა ხშირად დიდ დანახარჯებთან არის დაკავშირებული, რის გამოც მათი ხმა ადგილობრივ ჰოტელიერებამდე ყოველთვის ვერ აღწევს.
ჩვენი შეხვედრები სწორედ ასეთი კავშირების შექმნას უწყობს ხელს — მივიტანოთ ხარისხიანი პროდუქტი თუ მომსახურება იმ ადამიანებთან, ვისაც ამის რეალური საჭიროება აქვთ.
სწორედ ამიტომ, შეხვედრის ფარგლებში ჩვენ თავად წარვადგინეთ პარტნიორი კომპანიების პროდუქცია. შეხვედრის მონაწილეებს შესაძლებლობა ჰქონდათ ადგილზე გაცნობოდნენ მათთვის საჭირო რესურსებს:
- თეილონი – სალექციო სივრცეში წარმოდგენილი იყო საწარმო თეილონის პრემიუმ ხარისხის სასტუმროს ტექსტილისა და უნიფორმების ნიმუშები.
- Jambo Coffee – შეხვედრის ენერგიულ განწყობაზე სწორედ „ჯამბოს“ ინტენსიურმა არომატმა იზრუნა.
ეს არის პირველი ქართული ბრენდი, რომელიც ადგილობრივად მოხალულ ყავას სთავაზობს მომხმარებელს. “ჯამბოს” თვითმომსახურების აპარატებით სარგებლობა “ნიკორა სუპერმარკეტის” ქსელშია შესაძლებელი, თუმცა, სულ მალე ყავა საცალო გაყიდვაშიც ჩაეშვება და ჰორეკა სექტორს საშუალება ექნება ხარისხიანი ყავა საუკეთესო ფასად შეიძინოს.
- მაისი – ქართული ბრენდი, რომელიც მაღალი ხარისხის ვინტაჟური ბიოდეგრადირებადი სასტუმროს კეთილმოწყობის აქსესუარებს სთავაზობს მომხმარებელს. პროდუქციის ნიმუშები ლექციის მონაწილეებს საჩუქრად გადაეცათ.
- პრომოუტერი – სარეკლამო საწარმო, რომელიც ბიზნესს ბეჭდური მასალებისა და ბანერების დამზადებაში ეხმარება.
სამომავლო გეგმები
მესტიაში ჩატარებულმა შეხვედრამ კიდევ უფრო ნათლად აჩვენა რეგიონებში არსებული რეალობა.
ეს არის გარკვეულწილად ინფორმაციული ვაკუუმი, პროფესიულ ცოდნასა და იმ პროდუქტებისა თუ მომსახურებების შესახებ, რომლებიც ადგილობრივ ბიზნესებს ყოველდღიური ოპერირებისთვის სჭირდებათ, თუმცა, მათზე ინფორმაცია ხშირ შემთხვევაში არ აქვთ.
Hostship.ge სწორედ ამ ნაპრალის შესავსებად შეიქმნა და მიზნად დაისახა, რომ პლატფორმა იყოს ერთგვარი ჰაბი, სადაც სტუმარ-მასპინძლობაში მყოფი ადამიანები ერთმანეთს მარტივად უკავშირდებიან.
ჩვენ ვაგრძელებთ გზას სხვა რეგიონებისკენ, რათა, პროფესიული რესურსები და ბაზარზე არსებული შესაძლებლობები ყველასთვის თანაბრად ხელმისაწვდომი გავხადოთ.
მადლობას ვუხდით სასტუმრო „ლაჰილს“ მასპინძლობისთვის და თითოეულ პარტნიორს მხარდაჭერისთვის.
